【第二家園】馬來西亞醫療全球最佳　陳淑蘭：私院手術價錢是香港1/3

示威行動愈見升級，遍地開花，約朋友食飯的地點，要非常謹慎選擇。試過約在灣仔，之後得悉有遊行，於是改去尖沙咀，誰料差不多預備要出門前的一小時，示威者又突然殺去尖沙咀。好彩那時仍未出門，趕得及取消飯局，避過一劫。

看着新聞播放我們差點去食飯的地區變成戰場，真是猶有餘悸。之後的周末地點揀去尖東，諗住萬一遇上暴動都有後路可退，但人算不如天算，前面開始封路，於是掉頭撤退，誰知窩打老道天橋有人縱火又封路，見勢色不對再次撤退，好彩避得開這條不歸路！

出去食餐飯啫，可唔可以畀條生路返屋企呀？而家個個周末出去食餐飯都戰戰兢兢，鬥智鬥力，這種holiday mood唔知要去到幾時？真upset！（其實我想用粗口嚟表達我呢個心情！）最後，以為明智之舉，就是把飯局盡量約在平日，周末留在家中，安全了吧？結果，而家連平日都有暴力示威，真令人情緒低落，人都癲。

所以這段日子，我身邊已經有好幾位朋友，因為有「第二家園計劃」而在吉隆坡買咗樓。他們叫我都買番間，話至少有多個地方可以唞唞氣。馬來西亞的樓確實比香港大，價錢又便宜，的確很吸引，但亂局中Cash is King，用錢要更加謹慎。

馬來西亞的醫療話說在世界上排名第一，呢樣就令我有興趣去了解真定假，話晒年紀大，身體機能容易壞，於是我即刻去吉隆坡了解下。馬來西亞的醫療的確有水準，搵高質素私家醫院做手術，價錢大約是香港的三分一，香港有些保險可以包埋馬來西亞的醫療使費，真的中正我下懷，諗得過！

持「第二家園」簽證的人，雖不能享受當地的公立醫療福利，但如果買了醫保，都可以享受到藥品及醫療補貼。

無論其他地方有甚麼好，始終情繫香港，因為這裏才是我們的真家園！

全文刊於《晴報》，《晴報》facebook